Mortalidade por Cancro: Razón de mortalidad estandarizada (RME) bruta e suavizada asociada a cancro de ovario

Para analizar a mortalidade a nivel municipal calculouse a razón de mortalidade estandarizada (RME), que se obtén dividindo o número observado de persoas que morren nun período de tempo, entre o número esperado nese período, no suposto de que a rexión a estudo tivera as mesmas taxas específicas que unha poboación de referencia considerada (neste caso, a poboación de Galicia segundo sexo). As RMEs non deben ser empregadas para comparar distintos concellos entre si, senón para comparar cada un deles coa poboación de referencia.

A observación directa das RMEs pode dar lugar a unha mala interpretación do patrón xeográfico de mortalidade, polo feito de que os concellos cun tamaño moderado da poboación dan lugar ás RMEs menos precisas e máis extremas. Por este motivo, suavizáronse as RMEs por medio dun modelo xerárquico bayesiano, baseado na aproximación por integradores de Laplace aniñados (INLA), que permite empregar a información de áreas veciñas para a estimación de cada concello. Este modelo espacial foi proposto por Clayton e Kaldor e, posteriormente, desenvolto por Besag, York e Mollie.

Os rangos de valores dividíronse en 7 intervalos, do seguinte xeito:

menos de 0,7 (incluído)
de 0,7 a 0,85 (incluído)
de 0,85 a 0,975 (incluído)
de 0,975 a 1,025 (incluído)
de 1,025 a 1,15 (incluído)
de 1,15 a 1,3 (incluído)
maior de 1,3.

A cor vermella identifica aos concellos cun exceso de risco, a cor azul indica un menor risco e a cor branca indica un risco similar ao de Galicia. A intensidade da cor marca o grao de importancia tanto no exceso como no defecto de risco.

O modelo xerárquico espacial e o espacio-temporal foron implementados por medio do paquete R-INLA9 de R.

Campo	Valor
Última actualización dos datos	9 de febreiro de 2024
Última actualización dos metadatos	9 de febreiro de 2024
Creado	9 de febreiro de 2024
Formato	XLSX
Licenza	Creative Commons Attribution 4.0
URL	https://abertos.sergas.gal/dataset/e92ea84d-e549-49c7-a620-2d9a8bbddae8/resource/ae898bae-39bf-4179-8116-3483b13c1857/download/l18_5.xlsx
Tipo de contido	application/vnd.openxmlformats-officedocument.spreadsheetml.sheet
Tamaño	789808

Información adicional