No marco global da mellora continua e seguindo o ciclo PDCA, na etapa de REVISIÓN (Check), avalíanse os resultados, comprobando o grao de cumprimento do planificado e a eficacia do sistema.
Para iso empréganse as técnicas de supervisión, verificación da eficacia e auditorías do control oficial.
A supervisión defínese como o conxunto de actividades realizadas polos niveis superiores xerárquicos co obxecto de valorar a correcta realización das funcións dos axentes de control oficial e a aplicación da normativa vixente en materia de seguridade alimentaria e sanidade ambiental.
A supervisión serve para valorar se as actuacións dos axentes de control oficial se realizan segundo a normativa e os procedementos documentados.
Caracterízase porque é realizada:
- pola propia unidade sobre os seus axentes de control oficial
- de forma continua ao longo do ano
- sobre todos os axentes de control nun ciclo de supervisión quinquenal. Cada ano distribuiranse equitativamente o número total de inspectores a supervisar.
As actuacións a supervisar serán representativas dos diferentes tipos e motivos de control (inspeccións, auditorías, mostraxes, alertas, etc).
Este indicador proporciona información sobre a porcentaxe de supervisións conformes entre as supervisións realizadas co fin da toma de decisións por parte das distintas unidades de xestión.